CodeCast 08 | Հայ գործարարի «Software»-ը․ մտածողություն, AI և ամենամեծ միֆերը | Samvel Gevorgyan

50+ ավելի խանութ, 4 երկիր և ընդամենը 2 տարվա ընթացքում մոբայլ հավելվածի վաճառքներ, որոնք հասան մոտ 20 ֆիզիկական խանութների վաճառքների ընդհանուր մակարդակին։ Սա մեր գործընկերներից մեկի հետ իրականացրած նախագծի արդյունքն է։ Այս պատմությունը միայն տեխնոլոգիայի մասին չէ։ Այն այն մասին է, թե ինչպես կարելի է ճիշտ կառուցված թվային պրոդուկտի միջոցով մեծացնել վաճառքները, վերադարձնել հաճախորդներին և ստեղծել նոր բիզնես հնարավորություններ՝ առանց ֆիզիկական ենթակառուցվածքը նույն տեմպով ընդլայնելու։ Երբ օնլայն խանութ ունենալը բավարար չէ Մեր գործընկերը մանրածախ առևտրի ոլորտում գործող ընկերություն է, որն ունի ավելի քան 50 խանութ սրահ՝ 4 տարբեր երկրներում։ Նման մասշտաբի բիզնեսի համար օնլայն վաճառքի մեկնարկը պարզապես ապրանքները կայքում տեղադրելու կամ հավելված ստեղծելու հարց չէ։ Իրական մարտահրավերն ավելի մեծ է՝ ինչպես ստեղծել թվային միջավայր, որը ոչ միայն կընդունի պատվերներ, այլև կաշխատի որպես վաճառքների աճի շարունակական մեխանիզմ։ TCO-ում մենք աշխատեցինք գործընկերոջ E-commerce ուղղության զարգացման վրա՝ կենտրոնանալով կայքի և մոբայլ հավելվածի վրա։ Մեր մոտեցումը պարզ էր․ թվային ալիքը չպետք է պարզապես կրկնօրինակի ֆիզիկական խանութը։ Այն պետք է հաճախորդին տա լրացուցիչ արժեք և բիզնեսին՝ լրացուցիչ աճի հնարավորություն։ Մոբայլ հավելվածը՝ ոչ թե պարզապես օնլայն խանութ, այլ հաճախորդին վերադարձնելու գործիք Շատ բիզնեսներ մոբայլ հավելվածը պատկերացնում են որպես իրենց ապրանքների կատալոգ՝ հեռախոսի էկրանին։ Բայց դրա իրական ներուժը շատ ավելի մեծ է։ Հավելվածը բիզնեսին հնարավորություն է տալիս մշտական կապ պահպանել հաճախորդի հետ և ճիշտ պահին նրան վերադարձնել գնումների գործընթաց։…