CodeCast 02 | Copywriting և բանակցությունների ուժը բիզնեսում | Ruben Karoyan

CODECAST #02-ում հյուրը Ռուբեն Կարոյանն է՝ copywriter, տեքստերի և տեքստային բանակցությունների մասնագետ, «Copywriting 5 օրում» և «Ճիշտ խոսքը գրպանումս» գրքերի հեղինակ։ Այս թողարկման ընթացքում խորանում ենք copywriting-ի իրական դերի մեջ՝ դուրս գալով միայն «գեղեցիկ տեքստ» հասկացությունից և դիտարկելով այն որպես ազդեցության, բանակցության և գործնական հաղորդակցության գործիք։

Քննարկում ենք՝ ինչ է copywriting-ը, ինչպես են տեքստերը օգնում աշխատավայրում և բիզնեսում բանակցել, ինչ անել, երբ քեզ վրա ավել պարտականություններ են դրվում, ինչպես ճանաչել և կառավարել մանիպուլյացիաները, ինչպես աշխատել լղոզված խնդիրների հետ և դիմացինին դրդել գործողության։ Առանձին անդրադառնում ենք նաև B2B բանակցություններին՝ սկսած հանդիպման վայրի ընտրությունից մինչև գնի քննարկում, սպասարկման ոլորտում բանակցությունների կարևորությանը և խնդիրները փուլ առ փուլ լուծելու մտածելակերպին։ Թողարկում նրանց համար, ովքեր ուզում են ուժեղացնել իրենց հաղորդակցությունը, ավելի վստահ բանակցել և օգտագործել բառը որպես գործիք՝ արդյունք ստանալու համար։